विराटनगर, साउन १५–कोरोना संक्रमित भएका व्यक्तिको मृत्यु भएपछि मोरङको सुनबर्षी नगरपालिकाले ८ नम्बर वडा तीन दिनका लागि शिल गरेको छ । वडाबासी ४५ बर्षिय संक्रमित व्यक्तिको उपचारका क्रममा धरानको बुधबार साँझ विपी कोइराला स्वास्थ्य प्रतिष्ठानमा मृत्यु भएको थियो ।

संक्रमितको मृत्युपछि सर्तकताका लागि सुनबर्षी नगरपालिकाले शनिबारसम्मका लागि ८ नम्बर वडा शिल गरेको हो । तीन दिनसम्म वडाबाट कसैलाई बाहिर जान र वडामा आउन नदिने गरि ८ नम्बर वडा शिल गरिएको सुनबर्षी नगरपालिका प्रमुख कालिप्रसाद दासले जानकारी दिए ।
उनका अजुसार तीन दिनसम्म संक्रमित व्यक्तिको परिवार र उनीहरुसँग सम्पर्कमा आएका व्यक्त्तिहरुको विवरण विश्लेषण गरेर आवश्यता अनुसार पिसीआरका लागि स्वाब संकलन गरिनेछ ।

मृतकका आफन्तसहित उनलाई अस्पतालसम्म पु¥याउन खटिएका १० जनालाई अलग्गै क्वारेन्टाइनमा राखेर कन्ट्याक ट्रेसिङ गर्ने तयारी भइरहेको छ । ती पुरुषमा कोरोना पोजिटिभ देखापरेपछि उनको बस्ती वरपरका ४८ जनाको पीसीआर परीक्षण गरिएको र उनीहरुको रिपोर्ट आइनसकेको नगरपालिकाले जनाएको छ ।

सुनबर्षी नपाको ८ नम्बर वडामा १३ सय ७३ घरपरिवारमा ६ हजार ९ सय १२ जनाको बसोवास छ । यसैबिच मृतककी पत्नीलाई पनि कोरोना संक्रमण देखिएको छ । कोराना परिक्षण गरेपछि पोजेटिभ देखिएपछि उनलाई उपचारका लागि मोरङको सुन्दरहरैचा स्थित पुर्वाञ्चल विश्वविद्यालयको उपचार केन्द्रमा भर्ना गरिएको कोशी अस्पताल विराटनगरका मेसु डा. चुमनलाल दाशले जानकारी दिए ।