विराटनगर, साउन १४–वार्षिक २० लाख रुपैयाँसम्म कारोबार गर्ने साना करदाताले अब विद्युतिय माध्यमबाटै आयकर बुझाउन सक्ने भएका छन् । राजश्व विभागले साउन १ गतेदेखि लागुहुने गरि करदातालाई यो सुविधा प्रदान गरेको हो । अब आय विवरणर कर मोबाइल एप्स लगाएत अन्य विद्युतीय माध्यमबाट बुझाउन सक्ने र बैंकमार्फत कर भुक्तानी गर्दा आय विवरण समेत बुझाउन सक्ने व्यवस्था सरकारले गरेको छ ।

नयाँ प्राणलीमा यस्ता छन् विशेषता
१.आएकर ऐन २०५८ को दफा ७७ बमोजिम यस्ता साना करदाताहरुको लागि नयाँ आय विवरण तथा कर दाखिला फारम (डे ०१ आय विवरण फारम) तोकिएको छ । यो फारममा करदाताले आफ्नो स्थायी लेखा नम्बर,आय वर्ष,कारोवार रकम र कट्टी हुने रकम,करदाता वा निजको प्रतिनिधिको पूरा नाम,दस्तखत र मोबाइल नम्बर अनिवार्य रुपमा उल्लेख गर्नुपर्दछ ।

२. हाल प्रत्येक आय वर्षको छुट्टाछुट्टै आय विवरण र कर दाखिला गर्ने प्राणली रहेकोमा अबदेखि करदाताले एकै पटकमा एक भन्दा बढी आय वर्षको आय विवरण र कर दाखिला गर्न सक्ने गरी प्राणलीमा सुधार गरिएको छ। करदाताले सोझै विभागको एकीकृत कर प्राणलीमा विद्युतीय माध्यमबाट कर चुक्ता प्रमाणपत्र माँग गर्न सक्ने र प्रणालीले स्वतःआय विवरण र कर बक्यौता भए नभएको सुनिश्चित गरी बक्यौता नभएको अवस्थामा स्वतःकर चुक्ता प्रमाणपत्र जारी हुने व्यवस्था रहेको छ ।

वार्षिक २० लाख रुपैयाँसम्मको कारोवार वा दुई लाखसम्म आय भई आयकर ऐन २०५८ को दफा (४)को उपदफा (४) बमोजिम महानगरपालिका,उपमहानगरपालिकामा व्यवसाय गर्ने प्राकृतिक व्यक्तिले आय वर्ष २०६७।०७७ मा लाग्ने करमा पचहृत्तर प्रतिशत सहुलियत प्रदान गरिएको छ ।

सो वर्षको लागि महानगरपालिका र उपमहानगरपालिकामा व्यवसाय गर्ने प्राकृतिक व्यक्तिको रु ७,५००। को सट्टा रु १,८७५।नगरपालिकामा व्यवसाय गर्ने प्राकृतिक व्याक्तिले रु ४,००० । को सट्टा रु १,०००। र गाँउलिकामा व्यवसाय गर्ने प्राकृतिक व्यक्तिले रु २,५००। को सट्टा रु ६२५ मात्र कर भुक्तानी गर्नुपर्नेछ ।