काठमाडौं, ९ साउन-नेपालमा पछिल्लो २४ घण्टाको थप १३३ जनामा कोरोना भाइरस संक्रमण देखिएको स्वास्थ्य मन्त्रालयले जनाएको छ । स्वास्थ्य मन्त्रालयको नियमित पत्रकार सम्मेलनमा डा. जागेश्वर गौतमले नेपालमा पछिल्लो २४ घण्टामा ३ हजार ९८७ जनामा कोरोना परीक्षण गर्दा थप १३३ जनामा कोरोना संक्रमण देखिएको जानकारी दिए ।

विभिन्न क्वारेन्टाइनमा बस्नेको संख्या १९ हजार ४४४ रहेको छ । सक्रिय संक्रमितको संख्या ५ हजार ३८३ रहेको छ । उनको विभिन्न आइसोलेसनमा उपचार भइरहेको मन्त्रालयले जनाएको छ ।

त्यस्तै पछिल्लो २४ घण्टाको अवधिमा १०७ जनाले कोरोनालाई जितेका छन् । अहिलेसम्म कोरोना संक्रमणमुक्त भएर १२ हजार ९४७ जना डिस्चार्ज भएको मन्त्रालयले जनाएको छ ।