विराटनगर । क्षयरोग प्रभावित विरामीहरुलाई पोषण खाद्यान्य वितरण गरिएको छ । बिएनएमटी नेपाल नामक संस्थाले मंगलबार १० जना अति विपन्न क्षयरोगीलाई खाद्यान्य वितरण गरिएको हो ।
पोषण परियोजना अन्र्तगत अति विपन्न क्षयरोग विरामीलाई खाद्यान्य वितरण गरिएको छ । सावित्री बस्नेत फण्ड फरटिवीको आर्थिक सहयोगमा खाद्या सामाग्री वितरण गरिएको हो । विराटनगर महानगरपालिका भित्रका विपन्नलाई पोषणयुक्त खाद्या सामाग्री वितरण गरिएको बिएनएमटी नेपालका फोकल प्रसन राम प्रसाद कोइरालाले बताए । महानगरपालिकाले सिफारिस गरेको अति विपन्न विरामीलाई प्रत्येक महिनको ६ महिनासम्म खाद्य सामाग्री वितरण गरिने उनले बताए । ‘हामीले वितरण गरिएको खाद्यान्यमा सात प्रकारका सामाग्रीहरु रहेको छ । ६ महिनासम्मको उपचार हुन्छ । ६ महिनसम्म पुग्ने गरी खाद्य सामाग्री दिइनेछ,’ उनले भने, ‘ नगरपालिकाले सिफारिस गरेका विरामीलाई खाद्य सामाग्री वितरण हुने गरेको छ ।’

बिरामीहरुलाइ उपचारमा नियमितता गराउन, मासिक रुपमा बिरामीहरुको स्वास्थ्य स्थितिको फलोअप र चेकअप गर्न सहयोग पुर्याउन बिएनएमटीले यो परियोजना संचालन गरेको हो । न्युरिश परियोजना अन्तर्गत पोषण खाद्यान्न सहयोग मोरङको रंगेली, पथरी कानेपोखरी, सुनवर्षी, विराटनगर महानगरपालिका लगायतका पालिकाहरुमा संचालन रहेको छ ।
यस किसिमको सहयोग कार्यक्रमलाई निरन्तरता दिन बिराटनगर महानगरपालिका स्वास्थ्य शाखाले पनि योजना बनाउदै गरेको महानगरपालिको स्वास्थ्य महा–शाखा प्रमुख दिलिप कुमार यादवले बताए ।