विराटनगर, साउन –मोबाईल चोर्ने दुई जनालाई प्रहरीले विराटनगरबाट पक्राउ गरेको छ । विराटनगर १३ स्थित सैनिक टोलको एक घरबाट मोबाईल चोरी गरि भागेका दुईजनालाई प्रहरीले पक्राउ गरेको हो ।

मोबाईल चोरी गरेको आरोपमा प्रहरीले सप्तरी बेलही चपेना गाउँपालिका वडा नम्बर ३ का २४ बर्षिय संजय मण्डल र सोहि ठाँउका २० बर्षिय ओम कुमार मण्डललाई पक्राउ गरेको हो ।

अभियुक्तद्वयले असार ३० गते विराटनगर १३ सैनिक टोलकी ममता कुमारी मण्डलको कोठाबाट मोबाईल तथा पावर बैंक चोरी गरेको प्रहरीले जनाएको छ । चोरी गरि भागेका उनिहरुलाई खोजीगर्दै जाँदा विराटनगर ४ स्थित एक घरबाट पक्राउ गरिएको जिल्ला प्रहरी कार्यालय मोरङले जनाएको छ । उनिहरुका विषयमा थप अनुसन्धान भईरहेको प्रहरीले जनाएको छ ।