रौतहट, २२ असार-रौतहटको इशनाथ नगरपालिका– १, बन्जरहामा भारतले दशगजा क्षेत्र मिचेर अस्थायी बाँध निर्माण गरेकोमा हटाउने सहमति भएको छ । दशगजामा परेको बाँधका केही भाग दुवै देशका सुरक्षाकर्मीको समन्वयमा डोजर लगाएर हटाइएको छ ।

रौतहटका प्रमुख जिल्ला अधिकारी वासुदेव घिमिरेका अनुसार बन्जरहादेखि दक्षिण दशगजामा जीपीएस प्रविधिबाट नक्साको पहिचान गरेर सीमाक्षेत्रका ११ स्थानमा अस्थायी पिलर गाडिएको छ ।