एजेन्सी, असार ११-कोरोना भाइरसको महामारीको उपचार र त्यससँग सम्बन्धित तयारीबारे नजिकबाट नियालिरहेको एक प्रभावशाली संगठनले कोरोना भाइरसविरुद्धको चार अर्ब खोप उत्पादनको क्षमता रहेको बताएको छ । कोरोनाविरुद्धको खोपका ९ परियोजनामा यो संगठनले काम गरिरहेको छ ।

यो समूहका एक शीर्ष म्यान्युफ्याक्चरिङ विज्ञले रोयटर्सलाई चार अर्ब खोप उत्पादन गर्न सक्ने कम्पनीको पहिचान गरेको बताएका छन् । यो विश्वकै बढी जनसंख्या भएको भारत र चीनको जनसंख्याभन्दा बढी हो ।

बायोफर्माका कार्यकारी जेम्स रोबिनसनले ‘कोएलिसन फर इपिडेमिक प्रिपेयर्डनेस इनोभेसन’ (सीईपीआई) को यो अभियानको अगुवाई गरिरहेका छन् । उनले सीईपीआईको योजना हरेक खोपका लागि दुई या तीन उत्पादन संयन्त्र सुनिश्चित गर्ने योजनामा रहेको बताएका छन् ।

उनल भने, ‘हाम्रो क्षमतामा दुई अर्ब खोप उत्पादन गर्न सकिन्छ । सन् २०२१ को अन्तिम सम्मको यो न्युनतम लक्ष हो ।’ यो समूहले खोपको वितरणका लागि ८ देखि १० वटा क्षेत्रीय केन्द्र बनाउने योजनाअनुसार काम गरिरहेको छ ।

जेम्स रोबिनसनले सबै काम एकै ठाउँबाट गर्ने कोशिस भइरहेको बताएका छन् । उनले आफूहरुको लक्ष संसारभर खोप पु¥याउनु भएको बताएका छन् ।

यद्यपि अहिलेसम्म कोरोना महामारीविरुद्ध कुनै खोप उत्पादनको अन्तिम स्वीकृति प्राप्त भएको छैन । यसका बाबजुद सीईपीआई उत्पादन र वितरणको काम चुस्त बनाउनका लागि अहिलेदेखि नै लागिरहेको छ ।