काठमाडौं, १० असार-देशभरबाट पछिल्लो २४ घण्टाको अवधिमा ११४ जना कोरोना भाइरस संक्रमित निको भएर डिस्चार्ज भएको स्वास्थ्य मन्त्रालयले जनाएको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले देशभरका विभिन्न आइसोलेसन अस्पतालमा उपचार गराएर पछिल्लो २४ घण्टाको अवधिमा ८ महिला र १०६ जना पुरुष डिस्चार्ज भएको जानकारी दिए ।

उनका अनुसार  जलेश्वर अस्पतालबाट महोत्तरीका १९, कोभिड अस्पताल सतही जनकपुरबाट २०, सिन्धुली अस्पतालबाट ३, भरतपुर अस्पतालबाट नवलपरासी पूर्व र पश्चिमका ३  जनाले कोरोना संक्रमणलाई जितर घर फर्किएका छन् ।

यसैगरी, चितवनका १८, कपिलवस्तुका १, बीपी कोइरला स्वास्थ्य विज्ञान प्रतिष्ठानबाट झापाका ४, मोरङ १८, सुनसरी ५,  तेह्रथुमका १, दमौली अस्पतालबाट १, धौलागी अस्पताल बाग्लुङबाट ४, गोरखा अस्पतालबाट १ जना पनि कोरोना संक्रमणमुक्त भएका छन् ।

त्यस्तै, जिपि कोइराला सुक्ला गण्डकी अस्पताल तनहुँबाट ६, कालिका अस्पताल स्याङ्जाबाट १० ले पनि कोरोनालाई जितेको स्वास्थ्य मन्त्रालयले जनाएको छ । योसँगै देशभरबाट १९७ महिला र २ हजार १४१ पुरुष गरी २ हजार ३२८ जना कोरोना संक्रमण मुक्त भएर घर फर्किएका छन् ।