विराटनगरका एक युवा रहस्यमय अवस्थामा मृत फेला - News Birat

विराटनगरका एक युवा रहस्यमय अवस्थामा मृत फेला

न्यूज विराट

विराटनगर, ६ चैत । विराटनगरका एक यूवा रहस्यमय अवस्थामा मृत फेला परेका छन । विराटनगर–३ आयल निगमका कान्छा भनिने ४० बर्षिय नितेश राई विराटनगर १९ मा मृत फेला परेका हुन् ।

विराटनगर १९ मा निर्माणाधिन रहेको अन्र्तराष्ट्रिय रंगशाला नजिकैको पिपलको रुख मुनी आज उनको शव भेटिएको छ । मृतकको घाँटीमा नाइलनको डोरीले बेरिएको र बंगरा भाँच्चिएको तथा जिउमा निलडाम रहेको प्रत्यक्षदर्शी विराटनगर ४ का बिशाल सिंहले जानकारी दिए ।

मृत भेटिएका कान्छा हिजो बिहान आयलनिगम नजिकै रहेको आफ्नो घरबाट काम छ भन्दै निस्किएपनि बेलुकी घर नफर्किएको मृतकका दाजु रामबहादुर राईले जानकारी दिए ।

स्थानियबासीले रुख मुनि मृतकको शव देखेपछि प्रहरीलाई जानकारी गराएका थिए । त्यसपछि मात्र राई परिवारले कान्छाको मृत्यू भएको थाहा पाउन सकेका थिए । प्रहरीले घटनास्थलबाट मृतकको शवको मुचुल्कागरि पोष्टमार्टमकालागि विराटनगरस्थित कोशी अस्पतालमा राखिएको छ ।

जिल्ला प्रहरी कार्यालय मोरङका प्रमुख प्रहरी उपरिक्षक सन्तोष खड्काले मृतकको शव शंकास्पद अवस्थामा भेटिएको बताए । उनले मृतकको घाँटीमा बेरिएको डोरी रुखबाट चुँडिएर शव झरेको अवस्थामा भेटिएको बताए । प्रहरी उपरिक्षक खड्काले मृतकको पोष्टमार्टम रिपोर्ट आएपछि थप कुराहरु खुल्ने बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles