पोखरा, ५ असार-पर्वत जिल्ला अस्पतालका ५ जना स्वास्थ्यकर्मीमा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला काठमाडौं गरिएको परीक्षणमा ५ जना स्वास्थ्यकर्मीमा कोरोना पुष्टि भएको हो ।

संक्रमण पुष्टि सँगै अस्पतालले शुक्रबारदेखि इमर्जेन्सी बाहेकका सबै सेवा बन्द गरेको छ । विज्ञप्ति जारी गर्दै अस्पतालले स्वास्थ्यकर्मीमा कोरोना पोजिटिभ देखिएपछि तत्कालका लागि इमर्जेन्सी बाहेकका सबै सेवा बन्द गर्ने जानकारी दिएको हो ।

पर्वत अस्थायी कोरोना अस्पतालमा संक्रमितको उपचारमा संग्लन स्वास्थ्यकर्मीमा संक्रमण देखिएको अस्पतालले जनाएको छ ।२० जेठमा पहिलो पटक संक्रमण पुष्टि भएपछि कोरोना अस्थायी अस्पतालमा १ हप्ता खटिएका स्वास्थ्यकर्मीमा संक्रमण देखिएको हो ।

कोरोना अस्पतालमा कार्यरत ७ जनाको नमुना परीक्षण गरिएकोमा पाँचै जनामा संक्रमण पुष्टि भएको अस्पतालले जनाएको छ । कोरोना अस्पतालमा १ हप्ता बिताइएपछि उनीहरू अहिले पनि क्वारेन्टाइनमा नै रहेको बताइएको छ ।