आयात बढ्न थालेपछि शोधनान्तर बचत घट्दो
काठमाडौं, चैत ५–चालू आर्थिक वर्षको ७ महिनाको अवधिमा विदेशी वस्तुको आयात बढ्दै गएपछि शोधनान्तर बचत भने घट्न थालेको देखिएको छ । पछिल्लो १ महिनामा मात्र करिब ५ अर्ब रुपैयाँले शोधनान्तर बचत घटेको छ । देशबाट...
जनकपुर, १९ जेठ-प्रदेश २ का विभिन्न जिल्लामा गरी आज ८२ जनामा कोरोना संक्रमण पुष्टि भएको छ । बीपी कोइराला स्वास्थ्य विज्ञान प्रतिष्ठान धरानमा परीक्षण गरिएका सप्तरीको राजगढ़ गाउँपालिकाका १२ जना पुरुष छन् ।
काठमाडौँको जनस्वास्थ्य प्रयोगशालामा गरिएको परीक्षणअनुसार सिरहाका सूर्यनारायाण मरवैता क्याम्पस क्वारेन्टाइनका ५ जना पुरुषमा पनि कोरोना पुष्टि भएको छ ।
धनुषाको धनौजी शंकर मावि क्वारेन्टाइनका ४ जना, प्रादेशिक अस्पताल जनकपुरमा १ जना र हंसपुर नगरपालिकाका २ पुरुषहरूमा संक्रमण पुष्टि भएकाे छ ।
त्यसैगरी, महोत्तरी लोहरपट्टी नगरपालिका क्वारेन्टाइनका २ जना पुरुषमा संक्रमण पुष्टि भएकाे छ । सर्लाहीको जनता मावि अगरवा क्वारेन्टाइनमा ३२ जना, कविलासी नगरपालिकाका ४ जना र हरिपुर नगरपालिकाका २ जनामा कोरोना संक्रमण पुष्टि भएको प्रदेश २ को सामाजिक विकास मन्त्रालयले जनाएको छ । यी मध्ये ३ जना महिला छन् ।
