लडकडाउनमा कडाइ गरेपछि मोरङको रंगेलीमा प्रहरी र स्थानीयबिच झडप - News Birat

लडकडाउनमा कडाइ गरेपछि मोरङको रंगेलीमा प्रहरी र स्थानीयबिच झडप

न्यूज विराट

विराटनगर, भदौ ३-लकडाउनमा कडाई गरेपछि मोरङको रंगेलीमा प्रहरी र स्थानयबिच झडप भएको छ । रंगेलीको वडा नं. ५ स्थित आमगाछीमा स्थानीयले लकडाउन उल्लंघन गर्दै बजार पशल खोलेपछि प्रहरीले कडाई गर्दा झडप भएको हो ।

रंगेलीमा समुदायस्तरमा कोरोना भाइरसको संक्रमण फैलिँदै गएपछि रोकथाम तथा नियन्त्रणका लागि नगरपालिकाले भदौ १० गते सम्म लकडाउन घोषणा गरेको छ । तर, बुधबार स्थानीयले व्यापक मात्रामा लकडाउन उल्लंघन गर्न थालेपछि आमगाछी प्रहरी चोकि(ख) बाट खटिएको प्रहरीको टोलिले कडाई गरेको थियो ।

प्रहरीले कडाइका साथ अत्यवश्यक बाहेक बजार पशल बन्द गर्न थालेपछि आक्रोशित स्थानीय प्रहरी माथि जाइलागेका थिए । स्थितीलाई नियन्त्रणमा लिन प्रहरीले साँझ ७ बजे लाठी चार्ज गरेको थियो । झडपमा केही प्रहरी र स्थानीय सामान्य घाइते भएका छन् ।

लाठी चार्जपछि स्थानीयले केहीबेर प्रहरी चौकी घेराउ गरेका छन् । प्रहरीले ज्यादती गरेको भन्दै करीब ३ सय जनाको संख्यामा रहेका स्थानीयले प्रहरी चौकी घेराउ गरेका थिए ।

स्थानीय सुरेन्द्र मंण्डलका अनुसार लकडाउनका नाममा स्थानीय माथि प्रहरीले ज्यादती गरेको भन्दै प्रहरी चौकी घेराउ गरिएको हो । कुनै अप्रिय घटना हुन नदिन घटनास्थलमा बाक्लो संख्यामा सुरक्षाकर्मी परिचालन गरिएको थियो ।

बिहिबार बिहान सो विषयमा छलफल गर्ने सहमति भएपछि अहिले अवस्था सामान्य भएको इलाका प्रहरी कार्यालय रंगेलीका प्रहरी निरिक्षक लेखनाथ दाहालले जानकारी दिए । समुदायस्तरमा कोरोना संक्रमण फैलिएको रंगेलीमा बुधबार मात्र पनि ५ महिला ४ पुरुषमा कोरोना संक्रमण पुष्टि भएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles