मन्त्रालयले शुक्रबार जिल्ला समन्वय समिति र गाउँपालिका तथा स्थानीय तहलाई परिपत्र काट्दै सूचना आयोगले भनेबोमोजिमका १६ बुँदे निर्देशन पालना गर्न भनिएको छ । सूचना आयोगको निर्देशनअनुसार कोरोनाभाइरस रोकथाम, नियन्त्रण र राहातको लागि भए गरेका कामहरूको नियमित रुपमा सार्वजनिक गर्न भनिएको छ ।

उपलब्ध भएका र खरिद गरिने उपकरण तथा स्वास्थ्य सामग्रीको सवालमा पनि स्पष्ट जानकारी गराउन निर्देशन दिइएको छ  । आइसुलेसन क्वारेनटाइन तथा होम क्वारेनटाइनलगायतको विवरणमा पनि तीनै तहका सरकारका साथै जिल्ला समन्वयन समितिले डाटा अध्यावधिक गरी विरवरण सार्वजनिक गर्न भनिएको छ ।

कोरोना भाइरसको कारण मृत्यु भएकाहरूको शव व्यवस्थापन अन्योलताका विषयमा स्पष्ट पाउन र तयारीका सम्बन्धी सर्वसाधरण नागरिकले बुझ्ने गरी सूचना प्रकाशन गर्न आयोगले निर्देशन दिएको छ ।

आयोगले दिएको निर्देशन संघीय मामिला तथा सामान्य प्रशासन मन्त्रालयले कार्यान्वयन गर्न स्थानीय तह र जिल्ला समन्वय समितमा परिपत्र गरेको छ ।