हेटौंडा, ४ जेठ-मकवानपुरको थाहा नगरपालिका घर भएका ७ वर्षीय कोरोना संक्रमित बालकको सम्पर्कमा आएका आफन्तलाई परीक्षण गर्न हेटौंडा ल्याइएको छ ।

थाहा नगरपालिकाल संक्रमित बालकको घर र मामाघरका गरी ११ जनाको स्वाब संकलन गरी पीसीआर परीक्षणका लागि आइतबार बिहान हेटौंडा ल्याइएको हो ।

संक्रमित बालकलाई काठमाडौंमा जेठ २ गते परीक्षण गर्दा कोरोना संक्रमण पुष्टि भएको थियो । थाहा नगरपालिका–७ चल्ती घर भएका उनका परिवार र गैरीगाउ“मा रहेका मामाघरका परिवारसहित ११ जनालाई हेटौंडा ४ स्थित श्रमिक माविको आइसोलेसन वार्डमा राखिएको बागमती प्रदेशको सामाजिक विकास मन्त्रालयले जानकारी दिएको छ ।