विराटनगर, जेठ ३–कोरोना भाईरसको जोखिमका बाबजुद जनतालाई सु–सुचित गराउन खटिएका मोरङका पत्रकारहरुको कोरोना परिक्षणका लागी स्वाबको नमुना सङकलन गरिएको छ ।

शनिबार नेपाल पत्रकार महासंघको प्राङगणमा जिल्लाका १६ जना पत्रकारहरुको पिसिआर प्रविधिबाट कोरोना परिक्षणका लागी स्वाबको नमुना सङकलन गरिएको नेपाल पत्रकार महासं मोरङका अध्यक्ष बन्धु पोखरेलले जानकारी दिए ।

प्रारम्भिक चरणमा विराटनगरस्थित कोभिड–१९ उपचार केन्द्र, कोरोना सङक्रमित र कोरोना सङक्रमितको उपचारमा खटिएका चिकित्सकहरुको निकट रहेर भिडियो तथा फोटो पत्रकारितामा संलग्न १६ जना पत्रकारहरुको स्वाब सङकलन गरिएको उनले बताए । उनका अनुसार नमुना संकलन गरिएका सवै पत्रकारहरुको रिपोर्ट सोमबार बिहानसम्म आउने छ ।