जनकपुर, ४ जेठ-सेनाका अधिकारीहरु मै कोरोना संक्रमण देखिएपछि महोत्तरीको बर्दिवास नगरपालिकामा रहेको मध्य पृतनाको पूरै ब्यारेकलाई सिल गरिएको छ । सो व्यारेकका पृतनापति र एकजना चिकित्सकमा कोरोनाको संक्रमण देखिएको छ । पृतनापतिमा संक्रमण देखिएका कारण लगभग २ हजार सेना रहेको सो ब्यारेकलाई सील गरिएको हो ।

 सो ब्यारेकमा गण, गुल्म, सिग्नल गण, मेडिकल गण, विद्यालय गण लगायत पृतना लगाएर दुई हजारको संख्यामा सेना छन् । त्यहाँ सेनाका जवानहरूमा संक्रमण बढ्न नदिनका लागि उनीलाई आवतजावतमा रोक लगाइनुका साथै सामाजिक दुरी कायम राख्न भनिएको महोत्तरीका प्रमुख जिल्ला अधिकारी सूर्य बहादुर खत्रीले जनाएका छन् ।