काठमाडौं, १ जेठ-लकडाउनकै बीच खुलेको शेयर बजारमा तीव्र रूपले ओरालो लाग्दा खुलेको २ दिनमा नै बन्द गर्न धितोपत्र बोर्डले नेपाल स्टक एक्स्चेन्जलाई निर्देशन दिएको छ ।

बजार घटेपछि लगानीकर्ता आक्रोशित बनेसँगै बजार पुन: बन्द गर्ने निर्णयमा पुगेको बोर्डले जनाएको हो । बोर्डका अनुसार निर्देशन आजैबाट लागू हुनेछ ।

२ दिन खुलेको बजार आजबाट बन्द हुँदै छ । मंगलबारबाट खुलेको बजारमा पहिलो दिन खुलेको डेढ घण्टामा २ प्रतिशतको ओरालो लागेर सर्किट ब्रेक भएको थियो भने बुधबार पनि खुलेको ४० मिनेटमै २ प्रतिशतले ओरालो लागेर सर्किट लागेको थियो ।