एजेन्सी, बैशाख ३१-भारतीय वित्तमन्त्री निर्मला सीतारमणले कोरोना भाइरस नियन्त्रणका लागि गरिएको लकडाउनका कारण समस्यामा परेको अर्थतन्त्रलाई लिकमा फर्काउनका लागि राहत प्याकेज घोषणा गरेकी छन् ।

उनले बुधबार पत्रकार सम्मेलनको आयोजना गरी राहत प्याकेज घोषणा गरेकी हुन् । उनले साना उद्योगका लागि बिना ग्यारेन्टी ३ लाख करोड लोन उपलब्ध गराउने घोषणा गरिन् ।

उनले भनिन्, ‘मध्यम लघु र कुटीर उद्योगमा पैसाको कमी छ र यो भारतीय अर्थव्यवस्थाको मेरुदण्ड हुन् । यी उद्योगले १२ करोडभन्दा बढीलाई रोजगारी दिएका छन् । यस्ता उद्योगलाई ३ लाख करोडसम्मको ऋण बिना ग्यारेन्टी दिइने छ ।’

उनले यस्तो ऋण चार वर्षलाई दिइने र पहिलो १२ महिनामा सावाँ तिर्न नपर्ने बताइन् । यस्तो ऋण ३१ अक्टोबर २०२० सम्म उपलब्ध गराइनेछ ।