विराटनगर महानगरपालिकाका राजश्व महाशाखा प्रमुख प्रधानले दोहोरो सुविधा लिएको खुलासा, लेखा परिक्षक नियुक्तिमासमेत मोटो रकमको चलखेल - News Birat

विराटनगर महानगरपालिकाका राजश्व महाशाखा प्रमुख प्रधानले दोहोरो सुविधा लिएको खुलासा, लेखा परिक्षक नियुक्तिमासमेत मोटो रकमको चलखेल

न्यूज विराट

विराटनगर, माघ ३-विराटनगर महानगरपालिकाका एक कर्मचारीले कानुन विपरित दोहोरो सुविधा लिएको खुलासा भएको छ । महानगरपालिकाका राजस्व महाशाखा प्रमुख राजेन्द्र प्रधानले नियम कानुन विपरित महानगपालिकाकै दुई विद्यालयहरुमा लेखापारिक्षकको नियुक्ति लिएर दोहोरो सुविधा लिएको खुलासा भएको हो । उनले महानगरपालिकाको शिक्षा शाखालाई प्रभावमा पारि नियुक्ति लिएको पाइएको हो ।

२०७० सालदेखी बहालवाला कर्मचारीलाई लेक्षपरिक्षण गर्न रोक लगाइएको छ । कार्यरत क्षेत्रकै विद्यालय वा अन्य संस्थामा लेखापरिक्षण गरे आर्थिक अनियमिमता हुने भएकाले कर्मचारीलाई लेखापरिक्षणमा रोक लगाइएको हो । लेखा परिक्षण गर्नुनै परेको खण्डमा पनि सामान्य प्रशासन मन्त्रालयको पूर्वस्वीकृति लिएर मात्र गर्नुपर्ने भएपनि प्रधानले त्यसोनगरि लेखा परिक्षकको नियुक्ति लिएका हुन् । प्रधान आर एण्ड एसोसिएटको फर्मबाट प्रधानलाई विराटनगरको जनपथ मा.वि. र मदरसा फैजुनवि आ.वि. को लेखा परिक्षकमा नियुक्त गरिएको छ ।

विराटनगर महानगरपालिकाका सामुदायीक विद्यालयहरुको लेखा परिक्षण गर्नका लागि ५० जना लेखा परिक्षक नियुक्ति गरिएको छ । महानगर अन्तर्गत नै संचालनमा रहेको विद्यालयहरुमा महानगरकै कर्मचारीले लेखापरिक्षकको नियुक्ती पाए आर्थिक अनियमितामा सघाउ पुग्ने जानकारहरुको दावी छ । त्यसको अलावा दोहोरो सुविधा हुने भएकाले पनि कर्मचारीले अन्य ठाँउमा काम गर्न बन्देज गरिएको छ । प्रधानले लेखा परिक्षकको नियुक्तिमा पनि माटो रकम चलखेल गरेको श्रोतले बताएको छ ।‘एक जनाको नियुक्तिका लागि ३ हजार देखि ५ हजार सम्म रकम लिएका छन् ।’ श्रोतले भन्यो,‘ यो हिसाबले कुल ५० लेखा परिक्षक नियुक्तिमा माटो रकमको चलखेल भएको छ ।’

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles