एजेन्सी, बैशाख ३१-रुपमा कोरोना भाइरस (कोभिड–१९) का संक्रमितको संक्रमितको संख्या तीव्र रुपमा बढिरहेको छ । रुसमा संक्रमितको संख्या अमेरिका र स्पेनपछि सबैभन्दा बढी रहेको छ ।

मंगलबारमात्रै रुसको सेन्ट पिटर्सबर्गमा रहेको सेन्ट जर्ज कोरोना अस्पतालमा आगो लाग्दा भेन्टिलेटरमा राखेर उपचार गराइरहेका पाँच जनाको मृत्यु भएको थियो । यस्तै मंगलबार नै कोरोना परीक्षणमा राष्ट्रपति भ्लादिमिर पुटिनका प्रवक्ता डिमित्री पेस्कोभलाई समेत कोरोना भाइरस संक्रमण पुष्टि भएको छ ।

कोरोना संक्रमण देखिएपछि उनी अस्पताल भर्ना भएका छन् । उनी करिब २० वर्षदेखि पुटिनसँगै काम गरिरहेका छन् भने २००८ देखि प्रवक्ताको जिम्मेवारीमा छन् । डिमित्रीले तास ज्युज एजेन्सीलाई भने, ‘हो, म बिरामी छु र मेरो उपचार भइरहेको छ ।’  उनको अवस्था कति गम्भीर छ भन्नेबारेमा भने केही बताइएको छैन । यसअघि रुसी प्रधानमन्त्री मिखाइललाई कोरोना संक्रमण देखिएको थियो ।