काठमाडौं, २४ वैशाख-सचिवालय बैठकमा नेताहरूको मत नमिलेपछि भोलिका लागि तय भएको नेपाल कम्युनिस्ट पार्टी (नेकपा)को स्थायी कमिटी बैठक स्थगित भएको छ ।

गत शनिबार बसेको सचिवालय बैठकले भोलिका लागि स्थायी कमिटीको बैठक तय गरेको थियो । तर, बैठकमा पेस गर्ने एजेण्डाका विषयमा अध्यक्षद्वयबीच सहमति जुट्न नसकेपछि बैठक स्थगित गरिएको हो ।

बैठकअघि भएका विभिन्न चरणका छलफलमा नेताहरू एकठाउँमा उभिन नसकेपछि सचिवालय बैठक त्यत्तिकै भाँडिएको थियो । बैठकपछि २ अध्यक्षबीच भएको छलफलमा पनि सहमति नजुटेपछि भोलिको स्थायी कमिटी बैठक स्थगित भएको हो ।