विराटनगर, बैशाख २१–संखुवासभाको सभापोखरी गाउँपालिका–२ मा जंगली च्याउ खाएर २ घर परिवारका ६ जना बिरामी भएका छन् ।

शनिवार बेलुका स्थानीय २७ बर्षीय सन्देश राईले जंगलबाट टिपेर ल्याएको जंगली च्याउ खाँदा राई सहित उनकी श्रीमती २४ बर्षीया मनिला, ३ बर्षीया छोर सुपी, छिमेकी २५ बर्षीय दिनेश राई, उनकी श्रीमती २४ बर्षीया अनिता राई र ३ बर्षीया छोरी आकांक्षा बिरामी भएका हुन् । बिरामी ६ जनाको नै जिल्ला अस्पताल खाँदवारीमा उपचार भईरहेको प्रदेश प्रहरी कार्यालय विराटनगरले जनाएको छ ।