आज थपिएका संक्रमितसँगै देशभर कुल संक्रमितको संख्या ६२ हजार नाघेको छ । आजसम्म देशभर ६२ हजार ७ सय ९७ जनामा संक्रमण पुष्टि भएको छ । संक्रमण पुष्टि भएकामध्ये १७ हजार १ सय २९ सक्रिय संक्रमित रहेका छन् । संस्थागत आइसोलेसनमा ९ हजार १ सय ५३ जना छन् भने ७ हजार ९ सय ७६ जना होम आइसोलेसनमा रहेका छन् ।

पछिल्लो २४ घण्टाको अवधिमा १ हजार ४ सय ४७ जना संक्रमित निको भएर घर फर्किएका छन् । अहिलेसम्म निको हुनेको संख्या ४५ हजार २ सय ६७ पुगेको मन्त्रालयको तथ्यांक छ । नेपालमा निको हुनेको दर ७२.०८ प्रतिशत रहेको मन्त्रालयले जनाएको छ ।

त्यस्तै, पछिल्लो २४ घण्टाको अवधिमा १० हजार ३ सय ३३ जनाको पीसीआर परीक्षण गरिएको र अहिलेसम्म ९ लाख ४ हजार ७ सय ६ जनाको पीसीआर परीक्षण गरिएको मन्त्रालयको तथ्यांक रहेको छ । आज देशभर ७ हजार ७ सय ३५ जना क्वारेन्टाइनमा छन् ।