सप्तरी, बैशाख २०–सप्तरीको रुपनी गाउँपालिकाको एक पेट्रोप पम्पमा प्रहरीकै मिलेमतोमा कालोबजारी हुने गरेको पाइएको छ । रुपनी गाउँपालिका–२ स्थित अधिकारी आयल स्टोरले प्रहरीकै मिलेमतोमा डिजेल र पेट्राल दर रेट भन्दा अत्याधिक मुल्य लिएर बिक्रि गर्ने गरेको पाइएको हो ।

यतिबेला सिँचाईका लागि डिजल खरिद गर्ने कृषकहरुसँग अत्याधिक मुल्य लिएर विक्रि गर्ने गरेको हो । उक्त आयल स्टोरले दिउँसो डिजल र पेट्रोल नरहेको भन्दै रातको समयमा मुल्यभन्दा ४० रुपैयाँ भन्दा बढी मुल्य लिएर विक्रि गर्ने गरेको हो।

डिजल किन्न गएका स्थानीय एक किसानले भने,‘ तेल किन्न जाँदा सोमबार मात्र आउँछ भनेर फर्काए ।’ उनले भने,‘ रातको समयमा बोतल तथा ड्रममा राखेर बेच्नेलाई पनि बढी मुल्य लिएर धमाधम दिइरहेको भेटियो । प्रहरीलाई खबर गर्दा पनि वास्तै गरेन ।’ ति किसानका अनुसार प्रहरीकै मिलेमतोमा रातको समयमा डिजेल र पेट्रोलको कालोबजारी हुने गरेको छ ।