काठमाडौं, २० वैशाख-सत्तारूढ दल नेपाल कम्युनिष्ट पार्टी (नेकपा)को सचिवालय बैठकको समय सरेको छ । ४ बजे बस्ने भनिएको बैठक डेढ घण्टा पछि सारेर ५ बजेर ३० का लागि डाकिएको हो ।

नेकपाभित्र देखिएको विवाद समाधानका लागि शनिबार ४ बजे बैठक डाकिएको थियो । यसअघि बुधबार बसेको बैठकमा नेकपाका अध्यक्षसमेत रहेका प्रधानमन्त्री ओलीले राखेका प्रस्तावका बारेमा आजको बैठकमा छलफल हुने बताइएको छ ।

उनले आफूमाथि प्रधानमन्त्रीबाट राजीनामा दिन दबाब बढेपछि कोरोना संक्रमणको अन्त्यपछि राजीनामा दिने र आगामी प्रधानमन्त्रीका उपाध्यक्ष बामदेव गौतमलाई अघि सारेका थिए । त्यस्तै, उनले माधवकुमार नेपालाई तेस्रो अध्यक्षका लागि पनि प्रस्ताव गरेका थिए । यसका लागि अनौपचारिक रूपमा छलफल गरेर आजको बैठकमा प्रस्तुत हुने निर्णय बुधबारको बैठकले गरेको थियो ।

विवादित विषयमा समूहगत छलफल नटुंगिएपछि बैठक सारिएको हो । आज ४ बजे बस्ने भनेको बैठकको समय सारेर ५:३० मा बोलाइको प्रधानमन्त्री ओलीका प्रेस सल्लाहकार सूर्य थापाले जनाकारी दिए । बैठक प्रधानमन्त्री निवास बालुवाटारमा बस्दै छ ।