उनले अनुपयुक्त र गलत प्रयासले समस्यालाई झनै बढाउने भन्दै पार्टीको एकता बचाउन, लोकतन्त्र र समाजवादका मूल्यहरूको जगेर्ना गर्न नहडबडाउन, संवाद गर्न र संस्थागत प्रणालीभित्रै समाधान खोज्न आग्रह गरेका छन् ।

‘आज नेकपा असाधारण शक्ति र प्रभावका साथ उपस्थित छ । र यसमा समस्या थपिँदै गएका छन् । समस्याले उपयुक्त समाधान खोज्छ’ उनले सामाजिक संचाल फेसबुकमा लेखेका छन् ‘अनुपयुक्त र गलत प्रयासले समस्यालाई झनै बढाउँछ । आज मुलुकले सबै कमरेडहरूबाट जिम्मेवारी बोधको ऐतिहासिक गम्भीरता माग गरेको छ ।’

उनले विगतमा भएका टुटफुटका घटनाबारे स्मरणसमेत गराएका छन् । ‘२०५४ सालमा नेकपा एमाले लोकप्रियताको शिखरमा थियो, फुट्यो । र २०४७ सालको प्रजातन्त्र अस्थिर हुँदैगयो’ यनले भनेका छन् ‘२०६४/६५ मा नेकपा माओवादी प्रलयकारी शक्तिकासाथ अगाडि आयो । र विभाजनको प्रक्रियामा गयो ।’

पार्टीको एकता बचाउन, लोकतन्त्र र समाजवादका मूल्यहरूको जगेर्ना गर्न उनले ३ वटा सुझाव दिएका छन् । ‘पहिलो, नहडबडाउँ दोस्रो, संवाद गरौं र तेस्रो, संस्थागत प्रणालीभित्रै समाधान खोजौँ ।’