एक वर्षमा क्षयरोगबाट प्रदेश १ मा ११३ जनाको मृत्यु
विराटनगर, १० चैत । एक वर्षको अवधिमा प्रदेश १ मा क्षयरोगबाट एक सय १३ जनाको मृत्यु भएको छ । विश्व क्षयरोग दिवसको पूर्व सन्ध्यामा मंगलबार ग्लोबल फन्ड, नेपाल सरकारको सहयोग र सेभ द चिल्ड्रेनको आयोजनामा...
काठमाडाैं, १४ वैशाख-सांसद एवं नेपाली कांग्रेसका केन्द्रीय सदस्य डा. नारायण खड्काले उदयपुरमा कोरोना संक्रमण रोकथामका लागि विशेष कदम चाल्न सरकारको ध्यानाकर्षण गराएका छन् । आइतबार बालुवाटारमा प्रधानमन्त्री केपी शर्मालाई भेटेर सांसद खड्काले यस्तो आग्रह गरेका हुन् ।
भेटका क्रममा उनले जिल्लामा पर्याप्त चिकित्सकहरूको कमी रहेको सुनाए । ‘परीक्षणको लागि आवश्यक सामाग्री पनि पर्याप्त छैनन् । टेस्ट किट, एन–९५ मास्क, स्यानीटाईजर, भेन्टिलेटरजस्ता स्वास्थ्य सामाग्रीको अभाव छ’, आफूले प्रधानमन्त्रीलाई भनेका कुरा उल्लेख गर्दै डा. खड्काले भने ।
आवश्यक स्वास्थ्य सामाग्रीको अभावका कारण कोरोना संक्रमणको आशंका गरिएकाहरू पनि परीक्षण गर्न नसकिएको भन्दै डा. खड्काले प्रधानमन्त्री ओलीको ध्यानाकर्षण गराए ।
जिल्लामा राहत पनि न्यायोचित ढंगबाट वितरण नभएको कुरा प्रधानमन्त्रीलाई जानकारी गराएको उनले बताए । जिल्लाका समस्या सुनाएपछि डा. खड्काले तालुकदार मन्त्रालय र कोरोना भाइरस नियन्त्रणका लागि गठित उच्चस्तरीय समितिलाई आवश्यक कदम चाल्न तत्काल निर्देशन दिन प्रधानमन्त्री ओलीसमक्ष आग्रह गरे ।
प्रतिक्रियामा प्रधानमन्त्री ओलीले उदयपुर जिल्लाको संवेदनशीलताप्रति गम्भीर रहेको र आवश्यक चाल्ने आश्वासन दिएका डा. खड्काले बताए । पूर्वमन्त्रीसमेत रहेका खड्का उदयपुर क्षेत्र नम्बर १ बाट निर्वाचित सांसद हुन् ।
