विराटनगर । भारत अररिया जिल्ला डुमरियाकी ३६ वर्षीया नुजाहा खातुन दशौं सन्तानकी आमा बनेर फर्केकी छिन् । उनी भारतबाट विराटनगरमा प्रसुती गराउन जेठ ३२ गते आएकी थिइन् । विराटनगर–७ रंगेली रोडमा रहेको मकालु एभरेष्ट हस्पिटलमा भर्ना भएकी उनी दशौं सन्तान लिएर १५ दिनपछि घर फर्केकी हुन् ।

भारतमा राम्रो उपचार नहुने लागेपछि खातुन विराटनगरको मकालु एभरेष्ट हस्पिट आएकी थिइन् । उनले कलिलै उमेरमा नौजना सन्तानलाई जन्म दिईसकेकी थिइन् । स्वास्थ्य एकदम कमजोर भएपछि विराटनगरमा उपचार गराउने निर्णयमा पुगेकी थिइन् । गत जेठ ३२ गते रगेली रोडमा रहेको मकालु एभरेष्टमा भर्ना भएकी खातुनलाई आईसीयूमा राखेर हेरचाह गर्नुपर्ने थियो । उपचारमा संलग्न चिकित्सक विभा मण्डलका अनुसार आमाको स्वास्थ्य कमजोर भएका कारण समस्या थियो । खातुनको सफल प्रसूती गराएको उनले बताइन् । ‘धेरै मेहनत गरेर सफल उपचार गरिएको छ,’ उनले भनिन्, ‘विरामी र नवजात शिशुको स्वास्थ्य अवस्था राम्रो भएपछि डिस्चार्ज भएको छ ।’