एजेन्सी, बैशाख १३-पाकिस्तानमा लागू गरिएको लकडाउनको अवधि थप गरिएको छ । कोरोना भाइरसको संक्रमण फैलिने क्रम नरोकिएकाले लकडाउनको अवधि थप गर्नुपरेको सरकारी अधिकारीहरूले बताएका छन् ।

पाकिस्तानी सरकारले आगामी ९ मेसम्मका लागि लकडाउन लागू भइरहने शुक्रबार घोषणा गरेको हो । केन्द्रीय योजना तथा विकास मन्त्री असद उमराले राष्ट्रिय नियन्त्रण केन्द्रले लकडाउनको समयावधि बढाउने निर्णय गरेको जानकारी दिए ।

देशव्यापी लकडाउन लागू भइरहेको पाकिस्तानमा शुक्रबारसम्म कोरोना भाइरसबाट संक्रमित हुनेको संख्या ११ नाघेको छ । सरकारी अधिकारीहरूका अनुसार संक्रमित हुनेहरूको कुल संख्या ११ हजार ६५२ रहेको छ । त्यस्तै, देशभरि कोरोनाका कारण २४२ भन्दा बढीको मृत्यु भएको पनि सरकारी अधिकारीहरूले जनाएका छन् ।