चालू आर्थिक वर्षको ८ महिनामा वैदेशिक लगानीको आप्रवाहमा उल्लेख्य वृद्धि भएको छ । राष्ट्र बैंकले सोमबार जारी गरेको प्रतिवेदनअसार गत वर्षको ८ महिनाकाे तुलनामा २ गुणाभन्दा बढी लगानी आप्रवाह भएको छ ।

लगानी आप्रवाह मात्रै नभई लगानीको प्रतिवद्धता पनि २ गुणा बढी भएको उद्याेग विभागले जनाएको छ । गतवर्ष ८ महिनाको अवधिमा ६ अर्ब ६६ करोड रुपैयाँको लगानी आप्रवाह भएकोमा चालू आवमा करिब ९ अर्ब रुपैयाँ बढेको छ । जसअनुसार ८ महिनाको अवधिमा १५ अर्ब ६१ करोड प्रत्यक्ष वैदेशिक लगानी आप्रवाह भएको राष्ट्र बैंकले जनाएको छ ।