काठमाडौं, ८ वैशाख-सत्तारूढ नेपाल कम्युनिष्ट पार्टी (नेकपा)ले सचिवालय बैठक डाकेकको छ । राजनीतिक दलसम्बन्धी ऐनलाई संशोधन गर्दै अध्यादेशबाट केन्द्रीय समिति वा संसदीय दलमा ४० प्रतिशत सदस्य पुगे पार्टी फुटाउन सकिने व्यवस्था मन्त्रिपरिषद् पास गरेपछि नेकपाभित्र विवाद देखिएको छ ।

यसैबीच अध्यादेशको विषयमा जानकारी गराउन सचिवालय बैठक बालुवाटार बोलाइएको छ । आजै प्रमाणीकरणको लागि राष्ट्रपति कार्यलयमा पठाउने निर्णय गरेको छ ।

यस्तो व्यवस्था पारित गरिएसँगै तत्कालीन माओवादी मन्त्रीहरू पार्टीका कार्यकारी अध्यक्ष पुष्प कमल दाहाल (प्रचण्ड) निवास पुगेका छन् । त्यस्तै, वरिष्ठ नेता झलनाथ खनालले सचिवालयलाई जानकारी नभएको भन्दै प्रधानमन्त्रीबाट जानकारी लिने तयारी गरेको बताएका छन् ।