माग सम्बोधन नभएको भन्दै यातायात व्यवसायीले गरे प्रदर्शन - News Birat

माग सम्बोधन नभएको भन्दै यातायात व्यवसायीले गरे प्रदर्शन

न्यूज विराट

यातायात व्यवसायीले आफूहरूका व्यावसायिक समस्या सम्बोधन गर्न सरकारले चासो नदेखाएको भन्दै विरोध प्रदर्शन गरेका छन् ।

सार्वजनिक यातायात केन्द्रीय महासंघ नेपाल र नेपाल मिटर ट्याक्सी व्यवसायी तथा चालक सेवा समाजमा आवद्ध व्यवसायीले आइतबार माइतीघर मण्डलामा प्रदर्शन गरेका हुन् । माइतीघर मण्डलाबाट सुरु भएको विरोध र्‍याली काठमाडौं जिल्ला प्रशासन कार्यालयसम्म पुगेको थियो ।

प्रदर्शनमा उत्रिएका यातायात व्यवसायीले सरकारले बेवास्ता गर्दा यातायात क्षेत्रको १० खर्ब लगानी जोखिममा परेको गुनासो गरेका छन् । लकडाउन र निषेधाज्ञाका कारण ४ लाख यातायात व्यवसायी, यसमा आश्रित ९ लाख स्वरोजगार व्यवसायी र श्रमिक प्रभावित भएको आन्दोलनरत महासंघ पदाधिकारी बताउँछन् ।

लामो समय ग्यारेजमा थन्काएका गाडीको मर्मतमा समेत सरकारले आर्थिक सहयोग गर्नुपर्ने उनीहरूको माग छ । नेपाल मिटर ट्याक्सी व्यवसायी तथा चालक सेवा समाजका अध्यक्ष पूर्णलाल मोक्तान तामाङले विभाग, मन्त्रालय र प्रधानमन्त्री कार्यालयमा गुनासो गर्दा पनि सम्बोधन नगरिएकाले आन्दोलनमा उत्रिएको बताए  । सरकारले कोरोनाबाट प्रभावित व्यवसायीहरूलाई राहत दिनुपर्ने आन्दोलनकारीको माग छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles