काठमाडौं, २ वैशाख-पाल वायु सेवा निगमले मंगलबार भारतको नयाँ दिल्ली उडान भर्दैछ ।विमानले नेपालमा रहेका ब्राजिलियन नागरिक लिएर जान अनुमति लिएको नेपाल नागरिक उड्डयन प्राधिकरणले जनाएको छ ।

ब्राजिलियन राजदूतावासले निगमको जहाज चार्टर गरेको हो । लकडाउनका कारण नेपालमा रोकिएका ब्राजिलियन नागरिकलाई विमानले नयाँ दिल्ली छोडेर फर्कने प्राधिकरणका प्रवक्ता राजकुमार क्षेत्रीले जानकारी दिए ।

३१ जना यात्रु लिएर विमान दिउँसो साढे १ बजे नयाँ दिल्लीका लागि प्रस्थान गर्नेछ । लकडाउनका कारण नेपालमा रोकिएका झण्डै ४ हजार विदेशी नागरिकलाई उनीहरुकै देश फर्काइसकिएको छ ।