संसारमा कोरोना भाइरसका कारण मृत्यु हुनेको संख्या १ लाख १४ हजार २ सय ४७ पुगेको छ भने १८ लाख ५३ हजारभन्दा बढी संक्रमित भइसकेका छन् ।

विश्वका शक्तिशाली देशहरुमा नै मृत्यु हुनेको संख्या अधिक छ । स्पेनमा पछिल्लो २४ घन्टामा ६ सय ३ जनाको मृत्यु भएको छ ।शनिबार ५ सय १० जनाको मृत्यु भएको थियो । यो संख्या २३ मार्चपछिको सबैभन्दा कम मृत्यु हो । यो सँगै स्पेनमा मृत्यु हुनेको संख्या १७ हजार २ सय ९ पुगेको छ । कोरोना भाइरसबाट सबैभन्दा बढी अमेरिका र इटालीका नागरिकको ज्यान गएको छ ।

अमेरिकामा सबैभन्दा बढी २२ हजार १ सय १५ जनाको मृत्यु भएको छ । यस्तै इटालीमा १९ हजार ८ सय ९९ जनाको मृत्यु भसकेको छ । इटालीमा पछिल्लो २४ घन्टामा ४ सय १२ जनाको मृत्यु भएको छ ।