आवश्‍यक सुरक्षा सतर्कता अपनाएर शुक्रबारदेखि उद्योगहरु सञ्चालनमा आउने भएका छन् । लकडाउन लगाएको १० दिनपछि सरकारले लकडाउनमा खुकलो नीति लगाएको छ ।

शुक्रबारदेखि उद्योग सञ्चालनमा प्रशासनले अवरोध नगर्ने भएको छ । विशेष गरी खाद्य र औषधि उलोग सञ्चालमान जोड दिएको सरकारले अन्य उद्योगहरु पनि आवतजावत नगर्ने तर उद्योग भित्र कामदार राखेर सञ्चालन गर्न चाहेमा भने खोल्न दिने निर्णय भएको सरकारका प्रवक्ता डा. युवराज खतिवडाले जानकारी गराए।

बिहीबार बसेको कोरोना रोकथाम तथा उच्चस्तरीय समन्वयन समितिको बैठकले यस्तो निर्णय लिएको हो । त्यस्तै राष्ट्रिय गौरवका आयोजनामा पनि आवश्‍यक सुरक्षा सतर्कता अपनाएर आयोजना सञ्चालन गर्न दिने निर्णय समितिले गरेको छ ।