विराटनगर, २० चैत -ओखलढुङगाको मोलुङ गाउँपालिका–६ श्रीचौरका जाङबु शेर्पाको घरमा आगलागी हुँदा ६० लाख बढीको क्षति भएको छ ।बिहीबार शेर्पाको घरमा विद्युत सट भइ आगलागी हुँदा ६० लाख १७ हजार रुपैयाँ बराबर क्षति भएको हो । आगलागीबाट शेर्पाको टीनको छानो भएको २ तले घर, सोही घरमा रहेको होटल, अन्नपात, भाँडाबर्तन, लत्ताकपडा, नगद रु २ लाख साठी हजार,  पसलको किराना सामानसमेत जलेर नष्ट भएको छ ।

छिमेकी टेकमान राई र पदम तामाङको घरमा समेत सामान्य क्षति पुगेको छ । आगलागी प्रहरी चौकी श्रीचौरबाट खटिएको प्रहरी टोली र स्थानीयको सहयोगमा बिहान साँढे ९ बजे नियन्त्रणमा लिइएको प्रदेश प्रहरी कार्यालय विराटनगरले जनाएको छ ।