भारतीय सीमा जोडिएको रौतहटको राजपुर नगरपालिकाको कुडिया बजारमा चोर बाटोबाट राँगा-भैँसी ल्याइएका नियन्त्रणमा लिन खोज्दा तस्करहरूले अवरोध सिर्जना गरेपछि दुवै पक्षबीच झडप हुँदा गोली जिल्ला प्रहरी कार्यालय रौतहटका प्रवक्ता डीएसपी भरत श्रेष्ठले जानकारी दिए । प्रहरी र स्थानीयबीच भएको झडपमा ४ जना प्रहरी घाइते भएको उनको भनाइ छ ।

राँगा-भैँसी राजधानीतर्फ लैजान तयार पारेको सूचनाको आधारमा जिल्ला प्रहरी कार्यालयको टोली उक्त स्थानमा पुगेको थियो । स्थानीय र भैँसी व्यापारीले प्रहरीको काममा अवरोध खडा गर्दै ढुंगामुढा गरेपछि स्थिति नियन्त्रणमा लिन ८ सेल अश्रुग्यास र १४ राउण्ड गोली हवाई फायर गरेको उनले बताए ।

यद्यपि, प्रहरीले स्थानीयको अवरोधका कारण राँगा-भैँसी नियन्त्रणमा लिन नसकेको प्रहरील जनाएको छ । तस्करहरूले झडपको फाइदा उठाउँदै राँगा भैँसी खेदाएर भागेकोर प्रहरीले फेला पार्न नसकेको एसपी खड्काले बताए । कोरोना संक्रमणका कारण बारामा निषेधाज्ञा लागू गरिए तापनि नेपाल-भारत सीमा क्षेत्र तस्करहरू सक्रिय रहेन गरेको बताइएको छ ।