संखुवासभाको सभापोखरी गाउँपालिकाबाट पाँच विदेशी पर्यटकको उद्दार गरिएको छ । सभापोखरी–२ बाह्रेविसे मकालु हिमाल ट्रेकिङका लागि आएका ५ विदेशी पर्यटकलाई कैलाश एयरको हेलिकप्टरबाट उद्दार गरिएको हो ।

अस्ट्रेलियाका २, क्यानडा २ र फ्रान्सका १ नागरिकलाई काठमाडौं पठाइएको जिल्ला प्रहरी कार्यालयका प्रहरी निरीक्षक सन्तोश राईले जानकारी दिए ।

कोरोना भाइसरको संक्रमणबाट बच्न सरकारले लक डाउन गरेको पछि विभिन्न देशका ५ पर्यटक सभापोखरी गाउँपालिकामै रोकिएका थिए ।

उनीहरुको नाम र कहिले संखुवासभा आएका थिए भन्ने खुल्न नसकेको प्रहरी निरीक्षक राईले बताए । लक डाउनले यातायात साधन नचलेपछि उनीहरुले काठमाडाबाट हेलिकप्टर मगाएका थिए ।