विराटनगर । यस वर्षको चैत १५ गतेबाट सुरू हुने एसइइको परीक्षा मर्यादित बनाउन सरोकारवालाहरुले जोड दिएका छन् । एजुकेसन हेल्पलाईनको आयोजना तथा राष्ट्रिय परीक्षा बोर्ड कोशी प्रदेशको समन्वय ग्लोबल एकेडेमी र मनकामना स्कुलको आयोजनामा विराटनगरमा बुधबार आयोजित मर्यादित परीक्षा सबैको सरोकार विषय कार्यक्रममा बोल्दै सरोकारवालाहरुले यस्तो बताएका हुन् ।
कार्यक्रममा बोल्दै मोरङका प्रमुख जिल्ला अधिकारी प्रेमप्रसाद भट्टराईले अस्वस्थ प्रतिस्पर्धा नगरी मर्यादित र व्यवस्थित परीक्षा गराउन सबैको साथ सहयोग र भूमिका हुनुपर्ने बताए । यसैगरी जिल्ला शिक्षा समन्य मोरङका इकाई प्रमुख टंक गौतम, कोशी प्रदेशको सामाजिक विकास मन्त्रालयको शिक्षा महाशाखाका गोपाल प्रसाद दाहालले एसइइ परीक्षा धेरै हाउगुजी नबनाइ सामान्य र मर्यादित परीक्षा बनाएर अगाडी बढनुपर्ने बताए । कार्यक्रममा बोल्दै सगरमाथा स्कुलका प्रिन्सिपल त्रिलोचन गौतमले परीक्षाा केन्द्रमा प्रहरी राख्दा विद्यार्थी त्रसित हुने गरेको बताए । ‘परीक्षा केन्द्रमा विद्यँर्थीले प्रहरी दैख्छन । त्यसपछि विद्यार्थीको मनोबल घट्छ,’ उनले भने, ‘परीक्षा केन्द्रबाट प्रहरी हटाएर स्वच्छ र मर्यादित परीक्षा गरेर अगाडी बढौं ।’ कार्यक्रममा आर्दश स्कुलका प्रधानध्यापक सन्तोष पोखरेल, सत्यनारयण स्कुलका प्रधानध्यापक पुरुषेतम गुरागाई, एजुकेसन हेल्पलाईनका अध्यक्ष राजेन्द्र ढकाललगायले बोलेका थिए ।