विराटनगर, चैत १५–कोरोना भाइरस (कोभिड—१९) को आशंकामा केही दिनअघि विराटनगर स्थित कोशी अञ्चल अस्पतालको आइसोलेसनमा भर्ना भएका तीनैजनाको रिपोर्ट नेगेटिभ आएको छ । कतारबाट एक हप्ता अगाडि नेपाल आएका दुई जना युवा र विराटनगरकी एक युवतीलाई कोरोना भाइरस आशंकामा विराटनगरस्थित कोशी अस्पतालको आइसोलेसनमा भर्ना गरिएको थियो ।

भर्ना गरिएका मध्ये मोरङ रतुवामाईका २९ वर्षीय युवा र विराटगरकी युवतीलाई अस्पतालले भोलिपल्ट डाक्टरको निगरानीमा रहने गरी होम क्वारेन्टाइनमा पठाएको थियो । सप्तरीका २५ वर्षीय युवालाई भने अस्पतालको आइसोलेसनमै रारिएको थियो । कोरोनाको आशंका गरिएका तीनैजना बिरामीको थ्रोट स्वाब संकलन गरी परीक्षण गर्न एम्बुलेन्समार्फत काठमाडौंैस्थित शुक्रराज ट्रपिकल तथा सरुवा रोग अस्पतालमा पठाइएको थियो ।

तीनैजनाको रिपोर्ट नेगेटिभ आएको कोशी अस्पतालका कोरोना व्यवस्थापन समितिका संयोजक डा. लक्ष्मीनारायण यादवले जानकारी दिए । रिपोर्ट नेगेटिभ आएसँगै तीनैजनालाई डिस्चार्ज गरिएको उनले बताए । यादवका अनुसार अन्य थप दुईजनालाई आइसोलेसनमा भर्ना गरिएको छ ।