मुस्ताङको लो-घेकर दामोदरकुण्ड गाउँपालिका अध्यक्षमा एमालेका विष्ट निर्वाचित - News Birat

मुस्ताङको लो-घेकर दामोदरकुण्ड गाउँपालिका अध्यक्षमा एमालेका विष्ट निर्वाचित

न्यूज विराट

मुस्ताङको लो–घेकर दामोदरकुण्ड गाउँपालिकाको अध्यक्षमा नेकपा एमालेका लोप्साङ छोम्पेल विष्ट निर्वाचित भएका छन् । उनी ६८९ मतका साथ गाउँपालिका अध्यक्षमा निर्वाचित भएका हुन् ।

उनका निकटतम प्रतिद्वन्द्वी नेकपा एकीकृत समाजवादीका देवबहादुर गुरुङले १८५ मत पाए । यस्तै, उपाध्यक्षमा पनि एमालेकी छिरिङ ल्हामो गुरुङ विजयी भएकी छन् । उनले ६४१ मत पाइन् ।

कांग्रेसकी लक्ष्मी गुरुङले २२५ मत पाएर पराजित भएकी छन् । ०७४ को चुनावमा गाउँपालिकामा निर्वाचित विष्ट स्वतन्त्र उम्मेदवार भएरै चुनाव जितेका थिए । पछि उनी एमाले प्रवेश गरेका थिए ।

विष्टले ०७४ को चुनावमा प्रतिस्पर्धी कांग्रेसका तेन्जिङ छिरिङ गुरुङलाई ५ सय ५२ मतान्तरले हराएका थिए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles