पोखरा, १५ चैत-कोरोना संक्रमण रोक्न सरकारले मुलुक ‘लकडाउन’ गरेपछि काम विहीन भएका विपन्न मजदुर परिवारलाई बागलुङ बजारमा खाना खुवाउन थालिएको छ ।
शालिग्राम संग्रहालय र तिरुपति बालाजीधाम मुक्तिनाथ वेद विद्याश्रमको संयोजनमा धौलागिरी बहुमुखी क्याम्पसको प्राङ्गणमा दिवा खाना सुरु भएको हो ।
बागलुङ नगरपालिकाले बेसहारा, अभिभावक विहीन, ज्याला मजदुरी गरी परिवार पाल्दै आएका मजदुर र विपन्न व्यक्तिलाई खान दिन थालिएको बिद्याश्रमका स्वामी ऋषि प्रपन्नाचार्यले जानकारी दिए ।
बागलुङ नगरपालिकाको आर्थिक सहयोगमा खाना पकाएर बाड्ने ब्यबस्था मिलाएको बागलुङ नगरपालिकाका उपमेयर सुरेन्द्र खड्काले बताए ।