नयाँ वर्षमा रोटरी क्लब अफ विराटनगर डाउन टाउनद्वारा मानव सेवा आश्रमलाई खाद्यान्न वितरण - News Birat

नयाँ वर्षमा रोटरी क्लब अफ विराटनगर डाउन टाउनद्वारा मानव सेवा आश्रमलाई खाद्यान्न वितरण

न्यूज विराट

विराटनगर, २१ पुस । रोटरी क्लब अफ विराटनगर डाउन टाउनले अंग्रेजी नयाँ वर्षको अबसरमा खाद्यान्न वितरण गरेको छ । यसअघि पनि पटक पटक वितरण गरेको क्लबले अंग्रेजी नयाँ वर्षको अवसरमा समेत मानव सेवा आश्रम, विराटेश्वर वृद्धाआश्रम, विराट बहिरा मा.वि. र बाढीपीडित परिवारलाई खाद्यान्न वितरण गरेको हो ।

विराटनगरस्थित मानव सेवा आश्रम, विराट बहिरा माध्यामिक विद्यालय, विराटेश्वर वृद्धाश्रम र विराटनगर बखरीस्थित बाढीपीडित परिवारलाई खाद्यान्न वितरण गरिएको क्लबकी अध्यक्ष संचिता जैनले जानकारी दिइन् । उनले १५०० जनालाई पुग्ने खाद्यान्न वितरण गरिएको बताइन् ।

क्लबले ‘भोकालाई खाना देउ’ अभियान अन्तर्गत खाद्यान्न वितरण गर्दै आएको थियो । खाद्यान्न वितरणमा क्लबकी सचिव अनिता सारडा, जनसम्पर्क अधिकृत मञ्जुअग्रवाललगायत क्लबका सदस्यहरुको उपस्थिती थियो ।

६ महिनासम्म निरन्तर खाद्यान्न वितरण अभियानमा सहयोग पुर्याउने क्लबकी कोषाध्यक्ष सरिता गोल्छा, क्लब प्रशासन प्रमुख सोनी नेवटिया, खाद्यान्न वितरणमा योगदान गर्ने सदस्यहरू धन्यवाद ज्ञापन गरेको छ ।

त्यस्तै ६ महिनासम्म निरन्तर खाद्यान्न वितरण अभियान सञ्चालन गर्न सहबनाउने सेवा परियोजना र महिला सशक्तिकरण समिति प्रमुख गिरिजा सारडा, स्वेती राठी लगायत सवैलाई आभार प्रकट गरेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles