प्रदेश १ मा कोरोनाबाट ९ जनाको मृत्यु, १६ सय संक्रमित
विराटनगर, २८ साउन–प्रदेश १ मा कोरोना भाईरस(कोभिड १९) बाट मृत्यु हुनेको संख्या ९ पुगेको छ । मृतक ६ जना प्रदेश १ छन् । अन्य ३ जना प्रदेश १ बाहिरका जिल्लाका रहेको सामाजिक विकास मन्त्रालयले जनाएको...
काठमाडौं, फागुन २२–नेपाली कांग्रेसका सभापति शेरबहादुर देउवा र असन्तुष्ट नेता रामचन्द्र पौडेल १ वर्षपछि हुने भनिएको पार्टीको १४औँ महाधिवेशन आफ्नो पक्षलाई बलियो रूपमा उभ्याउन आआफ्नो रणनीति र योजनामा लागेका छन् ।
पार्टीमा देखिएको गुटगतरसमूहगत विवाद र किचलो निराकरणभन्दा बढोत्तरी भइरहेको छ । १ चैत २०७२ देखि पार्टी सभापतिको हैसियतले पदभार ग्रहण गरेका देउवाले ४ वर्षे कार्यकाल समाप्त हुनै लाग्दा केन्द्रीय विभागीय प्रमुख र आमन्त्रित केन्द्रीय सदस्यहरूको मनोनयन भटाभट गरिरहेका छन् ।
देउवाले १७ फागुनमा असन्तुष्ट नेता रामचन्द्र पौडेलको सहमतिबेगर नै १३ केन्द्रीय सदस्यलाई विभागीय प्रमुख बनाए । उनको यो नियुक्तिलाई लिएर पौडेल र महामन्त्री डा. शशांक कोइरालासहितका नेताले आपत्ति जनाए । तर, शक्ति र पदमा बसेर आफ्नो नेतृत्व बलियो बनाउन अनेकौँ राजनीतिक चलखेल गर्न माहिर देउवाले २ महिनाअघि असन्तुष्ट नेता पौडेल र अर्का नेता कृष्णप्रसाद सिटौला नेतृत्वको समूहसँग गरेको सहमति तोडेका छन् ।
