गर्नुपर्ने काम अझै बाँकी नै रहेकाले पुनः नियुक्तः अर्थमन्त्री - News Birat

गर्नुपर्ने काम अझै बाँकी नै रहेकाले पुनः नियुक्तः अर्थमन्त्री

न्यूज विराट

काठमाडौं, फागुन २१–अर्थमन्त्री डा. युवराज खतिवडाले शपथ लिएका छन् । राष्ट्रियसभामा पदावधि सकिएसँगै मंगलबार अर्थमन्त्रीबाट राजीनामा दिएका डा.. खतिवडाले बुधबार अर्थमन्त्रीमा पुनः शपथ लिएका हुन् । शपथ लिएसँगै डा. खतिवडाले बुधबार नै पदभार ग्रहण गरेका छन् ।

शपथ लिएपछि अर्थमन्त्री डा. खतिवडाले विकास, सुशासन तथा न्यायको लडाइँको आफू योद्धा भएको बताउँदै कमाण्डरले फिर्ता नबोलाएसम्म र युद्ध नजितेसम्म नफर्किने बताए । अर्थमन्त्री खतिवडाले अर्थमन्त्री भएर गर्नुपर्ने काम अझै बाँकी नै रहेकाले पुनः नियुक्त भएको पनि बताए ।

बुधबार अपराह्न ४ बजे डा. खतिवडाले राष्ट्रपति विद्यादेवी भण्डारीबाट शपथ ग्रहण गरेका हुन् । कार्यक्रममा उपराष्ट्रपति नन्दबहादुर पुन, सभामुख अग्नि सापकोटा, राष्ट्रियसभा अध्यक्ष गणेशप्रसाद तिमल्सिना तथा विभिन्न मन्त्रीहरूको उपस्थिति थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles