विराटनगर, ११ असोज । आइतबार दिउँसो विराटनगरस्थित उच्च अदालत अगाडी इटा उद्योगीमापथ खुकुरी प्रहारमा संलग्न भएको आरोपमा प्रहरीले दुई जनालाई पक्राउ गरेको छ ।

काभ्रेपलान्चोक चौरी देउराली गाउँपालिका वडा नं.–९ बस्ने बर्ष ३० वर्षीय कलाम सिंह लामामाथि खुकुरी प्रहारमा संलग्न भएको आरोपमा प्रहरीले थप एक जनालाई पक्राउ गरेको हो ।

पक्राउ पर्नेमा विराटनगर महानगरपालिका वडा नं.–११ का २७ वर्षीय बिमल कार्की र मोरङको धनपालथान गाउँपालिका वडा नं.–१ बस्ने ५३ वर्षीय मोहम्मद साजिद मियाँ रहेका छन् । उनीहरु मध्ये कार्कीलाई आइतबारनै प्रहरीले पक्राउ गरेको थियो भने मियाँ सोमबार पक्राउ परेका हुन् ।

वयवसायिक विवादका कारण उनीहरुले खुकरी प्रहार गरी लामालाई घाइते बनाएको प्रहरीले जनाएको छ । घाइते लामाको काठमाण्डौ स्थित नर्भिक अस्पतालमा उपचार भइरहेको जिल्ला प्रहरी कार्यालय मोरंगले जनाएको छ ।

पक्राउ परेका दुवैविरुद्ध मोरङ जिल्ला अदालतबाट ज्यान मार्ने उद्योग कसूरमा दिन ५ (पाँच) म्याद थप गरी थप अनुसन्धान कार्य भइरहेको जिल्ला प्रहरी कार्यालय मोरंगका प्रवक्ता प्रहरी नायव उपरिक्षक दिपक श्रेष्ठले जानकारी दिए ।