धनकुटाका स्थानीयतहमा भ्रष्टाचार र अनियमितताको दर बढ्दै - News Birat

धनकुटाका स्थानीयतहमा भ्रष्टाचार र अनियमितताको दर बढ्दै

न्यूज विराट

धनकुटा, फागुन १६–धनकुटाका स्थानीयतहमा भ्रष्टाचार र अनियमितताको दर बढ्दै गएको अख्तियारको तथ्याङ्कले देखाएको छ । अख्तियार दुरुपयोग अनुसन्धान आयोगको इटहरी कार्यालयमा दर्ता भएका धनकुटाका ५० मध्ये २५ वटा उजुरी स्थानीयतहका छन् ।

यी बाहेक शिक्षा, स्वास्थ्य, भूमिब्यबस्था, वन, जलस्रोत, खानेपानी तथा शहरी विकास सम्बन्धी उजुरी बढ्दै गएको अख्तियार दुरुपयोग अनुसन्धान आयोग इटहरीका शाखा अधिकृत गिरिराज भट्टराईले जानकारी दिए । धनकुटामा आयोजित एक कार्यक्रममा स्थानीयतहले नागरिकका आवश्यकता भन्दा पनि पहुँचमा रहेका सिमित ब्यक्तिको रुचिमा योजना र अनुदान वितरण गरेकाले उजुरीको संख्यामा बढोत्तरी भएको अख्तियारका अधिकारीहरुले बताएका छन् ।

स्थानीयतहका योजना तर्जुमा, कार्यान्वयन र अनुगमनको संयन्त्र दरिलो नहुँदा विकास योजनाका काममा किर्ते बिल भरपाईको प्रयोगले अनियमितताका उजुरी अनपेक्षित रुपले बढ्दै गएको अख्तियारले जनाएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles