दातृ निकायको दबाबका कारण निजी क्षेत्रलाई चेपुवामा : उपाध्याय - News Birat

दातृ निकायको दबाबका कारण निजी क्षेत्रलाई चेपुवामा : उपाध्याय

न्यूज विराट

बुटवल, फागुन ११–नेपाली कांग्रेसका नेता तथा पूर्वमन्त्री दीपकुमार उपाध्यायले दातृ निकायको दबाबका कारण सरकारले निजी क्षेत्रलाई चेपुवामा राखेको आरोप लगाएका छन् । उनले अन्तराष्ट्रिय दातृ निकायहरूले दिने अनुदान र ऋण सहयोगले मात्रै मुलुकमा समृद्धि हासिल हुन नसक्ने बताउँदै मुलुकको आन्तरिक आम्दानी बढाउनुपर्नेमा जोड दिए ।

बुटवल उद्योग बाणिज्य संघको ६७औँ स्थापना दिवसको अवसरमा आइतबार बुटवलमा आयोजना गरिएको अन्तक्र्रिया तथा सम्मान कार्यक्रममा बोल्दै उनले सरकारले अन्तर्रा्ष्ट्रिय दातृ निकायलाई खुसी बनाउनकै लागि करको दरमा वृद्धि गरेको र त्यसैको चपेटामा उद्योगी व्यवसायी परेको आरोप लगाए ।

राजस्व बढाउने नाममा निजी क्षेत्रलाई चेपुवामा पारेर असुली गर्दा उद्योगी व्यवसायी धराशायी हुँदै गएको बताउँदै उनले उद्योगी व्यवसायीको मन जितेर अगाडी बढ्न सरकारलाई आग्रह गरे । नेपालमा औद्योगिक उत्पादनका लागि पर्याप्त सम्भावना रहेको भन्दै लगानी गर्ने वातावरण बनाउन सरकारलाई अनुरोधसमेत गरे ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles