मेची पर्यटन महोत्सवमा निकालियो कलशयात्रा - News Birat

मेची पर्यटन महोत्सवमा निकालियो कलशयात्रा

न्यूज विराट

विराटनगर, फागुन ९–भ्रमण वर्ष २०२० लाई मध्यनजर गर्दै सुरु गरिएको पाथीभरा म्याराथुन तथा मेची पर्यटन महोत्सवको पहिलो दिन आज कलशयात्रा निकालिएको छ । ताप्लेजुङको सदरमुकाम फुङलिङको तोक्मेडाँडाबाट नौमती बाजासहित कलशयात्रा निकालिएको हो ।

बिहान ८ बजेदेखि सुरु भएको कलशयात्रा हाङदेवाको सिद्धिडाँडाको शिवालय मन्दिरसम्म पुग्यो । हजारौँको संख्यामा कलशयात्री तथा विभिन्न संघसस्थाका प्रतिनिधि स्वतःस्फुर्त रूपमा कलशयात्रामा सहभागी भए । शिवरात्रिको अवसर पारेर सञ्चालनमा ल्याइएको सो महोत्सव ५ दिनसम्म चल्नेछ ।

महोत्सवमा आयोजना गरिने पाथीभरा म्याराथुन फुङलिङ बजारदेखि पाथीभराको चुचुरोसम्म करिब ४२ किलोमिटर हुनेछ । दौडमा फुङलिङ बजारदेखि ३ हजार ७ सय ९४ मिटरको उचाइमा रहेको पाथिभरा देवीको चुचुरोमा पुगेर फुङलिङ बजारमा आइपुग्नुपर्नेछ । प्रतियोगिताका विजेताले १ लाख ५१ हजार १ सय ११ रुपैयाँ पाउनेछन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles