विराटनगर, माघ २४–नेपाल र भारतको सिमा क्षेत्रमा अवैध लागूऔषध चरेस सेवन गर्ने तीन जनालाई प्रहरीले पक्राउ गरेको छ । विराटनगर–१४ स्थित सिमा क्षेत्रबाट लागुऔषध चरेस सेवन गरिरहेको अवस्थामा प्रहरीले तीन जनलाई पक्राउ गरेको हो । पक्राउ पर्नेमा विराटनगरका २६ वर्षीय दिपक सहनी, ४२ वर्षीय राम यादब र ५५ वर्षीय मुस्तफीर मिया रहेको मोरङ प्रहरीले जनाएको छ । दिपक सहनीको कोठामा चरेश सेवन गरिरहेको अवस्थामा १ सय ग्राम चरेशसहित तीन जनालाई पक्राउ गरेको प्रहरीले जनाएको छ ।

पक्राउ परेका उनीहरुलाई ईलाका प्रहरी कार्यालय रानीमा राखी थप अनुसन्धान भईरहेको छ । यस्तै उदयपुरको त्रियुगा नगरपालिका– १३ बाट लागुऔषध सहित २ जनालाई पक्राउ गरेको छ । जिल्ला प्रहरी कार्यालय उदयपुरबाट खटिएको प्रहरी टोलीले त्रियुगा नगरपालिका १२ का विकास कटवाल र त्रियुगा नगरपालिका ११ का २५ वर्षीय सुवास धमलालाई स्टागन ४ एम्पुल, मरफियम ४ एम्पुल, हिस्टानिल ४ एम्पुल, लोरी ४ एम्पुल सहित पक्राउ गरेको हो । पक्राउ परेका दुवै जनाको सम्बन्धमा थप अनुन्धान भईरहेको प्रदेश प्रहरी कार्यालय विराटनगरले जनाएको छ।